MITROVICA INNOVATIONS SCIENTIFIC International Conference (MISIC) është konferencë shkencore ndërkombëtare e organizuar nga Kolegji Ndërkombëtar i Biznesit në Mitrovicë (IBCM), që do të mbahet në Prishtinë më datë 15 shtator dhe Mitrovicë me datë 16 shtator 2015.

Tema e konferencës është:

Roli i Biznesit në Zhvillimin e Qëndrueshëm në Ballkanin Perëndimor

Konferenca shkencore ndërkombëtare do të mbahet më 15 shtator në hotelin Emerald në Prishtinë. Akademikë dhe studiues të dëshmuar, shkencëtarë të rinj si dhe bursistë nga komuniteti ndërkombëtar do të prezantojnë të arriturat shkencore dhe hulumtimet e tyre si dhe do të diskutojnë problemet profesionale që ndërlidhen me rritjen e qëndrueshme të biznesit në rajonin e Ballkanit Perëndimor.

Në kuadër të programit të konferencës do të realizohen edhe dy punëtori (workshops) që do të mbahen me datë 16 shtator në kampusin verior të IBCM-së në Mitrovicë dhe do të përfshijnë temat: Roli i edukimit në zhvillimin e qëndrueshëm, si dhe Efikaciteti i politikave dhe rregulloreve për zhvillim të qëndrueshëm. Në punëtori do të marrin pjesë përfaqësues vendorë dhe ndërkombëtarë të institucioneve publike, private, akademike dhe shkencore.

Në konferencë pritet të marrin pjesë më shumë se 100 pjesëmarrës të sferave të ndryshme nga fusha e akademisë, politikës, studiues si dhe akterë të tjerë me rëndësi. Pesë folësit kryesor të konferencës nga Republika Çeke, Suedia, Greqia, Turqia dhe Shqipëria do të prezantojnë hulumtimet e tyre më të reja në temat e caktuara. Kjo konferencë do të promovoj bashkëpunimin për zhvillimin e biznesit të qëndrueshëm si dhe do të ofroj mundësi për iniciativa të suksesshme dhe të qëndrueshme në Ballkanin Perëndimor.

Konferenca MISIC 2015 mundësohet me përkrahjen e donatorëve:

Si dhe me ndihmën e sponsorëve në vijim:

Dhe përkrahësve medial:

Përkrahës medial i konferencës është edhe portali arbresh.info, që do të përcjell nga afër konferencën dhe do të ju njoftojë për gjithçka rreth konferencës. Për më shumë informacione në lidhje me konferencën mund të vizitoni ueb faqen http://ibcmitrovica.eu/misic. /arbresh.info