MASHT sqaron arsyet e përsëritjes së testit në tri komuna

10:40 | 2 Qershor 2016
Arbresh.info

Ministria e Arsimit sqaron për vendimin që në tri komuna të Kosovës të përsëritet testi i arritshmërisë.

Ministria ka vendosur që në Dragash, Han të Elezit dhe në Gjilan të përsëritet testi për nxënësit e klasave të nënta pasi që ekipi i ekspertëve ka konkluduar se rezultatet në këto tri komuna nuk janë reale, si pasojë e lëshimeve dhe monitorimit joadekuat gjatë procesit të testimit.

“Në bazë të vlerësimeve profesionale të ekipit të ekspertëve sekretari i përgjithshëm i MASHT-it, ka marr vendim me datë 30 maj për përsëritjen e testimit në komunat përkatëse me datën 8 qershor në orën 10:00, ndërsa publikimi i rezultateve do të bëhet më 10 qershor”, thuhet në një njofimt të MASHT-it.

Javën që shkoi MASHT-i publikoi rezultatet e Testit të Arritshmërisë sipas të cilave ka rezultuar se shkalla e përgjithshme e kalueshmërisë është 64.7 përqind.

Shpërndaje në rrjete sociale

Lajmet më të lexuara

Të ngjashme

Foto lajm