MASHT-i heton të diplomuarit në Gjakovë

08:19 | 10 Qershor 2015
Arbresh.info

Inspektorati i Arsimit ka kërkuar nga Fakulteti i Edukimit në Gjakovë dëshmi për ligjshmërinë e diplomimit për disa mësimdhënës të diplomuar në SHLP “Bajram Curri”.

Sipas të dhënave të prezantuara në raportin e Inspektoratit, disa kandidatë kanë diplomuar me më pak provime sesa që janë paraparë me planprogram të studimeve.

Prandaj, Fakulteti i Edukimit në Gjakovë duhet të verifikojë dhe të konfirmojë dëshminë e diplomimit nga Libri Amë i të Diplomuarve në SHLP “Bajram Curri”, të mësimdhënësve të dyshuar për falsifikim të diplomave.

Bazuar në konstatimet e Inspektoratit, sipas urdhëresës së ministrit të Arsimit, Arsim Bajrami, për të verifikuar diplomat e dyshuara si të falsifikuara të 84 mësimdhënësve në Gjakovë, (ndaj të cilëve në vitin 2009 u pat ngritur aktakuzë nga Prokuroria Themelore në Gjakovë), Fakulteti i Edukimit në Gjakovë është obliguar të verifikojë validitetin dhe të konfirmojë ligjshmërinë e regjistrimit të kandidatëve.

Shpërndaje në rrjete sociale

Lajmet më të lexuara

Të ngjashme

Foto lajm