Qendra  e  Studentëve  e  Universitetit  të  Prishtinës ka shpallur konkursin  për pranimin e  studentëve për banim  në  konvikte dhe  për ushqim  në mensë për vitin akademik 2016/2017.

Në një njoftim për media, bëhet e ditur se konkursi do të jetë i hapur prej datës 05.09.2016 deri më datën 13.09.2016.

“Risi  për këtë vit  akademik  është se  studentët , të cilët do të aplikojnë  për strehim dhe ushqim në Qendrën e Studentëve, aplikimin do ta  bëjnë përmes sistemit ONLINE, në adresat zyrtare të QS, web faqes www.qs.rks-gov.net dhe profilit zyrtar në Facebook “Qendra e Studentëve-Prishtinë”.Kjo do të krijojë kushte më të lehta për aplikim nga ana studentëve”, thuhet në njoftim.

Edhe në këtë vit, Qendra Studentore do të pranojë afër 3600 studentë, për të cilët ofron  strehim, ushqim si dhe  hapësirat për lexim, studim, sport dhe  aktivitete  tjera të ndryshme.

“Mënyrat e përzgjedhjes së kandidatëve të cilët do të fitojnë të drejtën për strehim dhe ushqim do të bëhet në bazë të kritereve të përcaktuara me konkurs. Çmimi do të jetë 35 € për muaj (20 € banimi, 15 € ushqimi)”, thuhet në fund të njoftimit.