Senati i Universitetit të Prishtinës “Hasan Prishtina” zgjodhi pesë anëtarët e Këshillit Drejtues të UP-së. Fevzi Berisha, Alberta Troni, Kemajl Bislimi, Zeqir Veselaj dhe Beqir Sadikaj janë emrat e pesë të zgjedhurve.

Katër nga këta anëtarë janë të rinj në këto pozita përveç Beqir Sadikajt, i cili është rizgjedhë.

Tre nga pesë anëtarët e Këshillit Drejtues që u zgjodhën dje ishin apo edhe janë pjesë e partive politike në Kosovë.

Fevzi Berisha është Profesor i Rregullt në Fakultetin e Ndërtimtarisë dhe Arkitekturës. Ai është anëtari i 63 në listën e Këshillit të Përgjithshme të Lidhjes Demokratike të Kosovës (LDK).

Alberta Troni është Profesor i Asocuar në degën e Muzikës në Fakultetin e Arteve. Ajo ishte kandidate e LDK-së për deputete në zgjedhjet e parlamentare në Kosovë. Ajo nuk arriti të jetë deputete.

Beqir Sadikaj është Profesor i Rregullt në Fakultetin Juridik. Ai ishte kandidat i për deputet i Partisë Demokratike të Kosovës (PDK).

Kemajl Bislimi është Profesor i Asocuar në departamentin e Biologjisë në Fakultetin e Shkencave Matematike-Natyrore.

Zeqir Veselaj është profesor i asocuar në Fakultetin e Edukimit.

Për më tepër, Këshilli Drejtues i UP-së në përbërjen e tij ka nëntë anëtarë, pesë prej të cilëve zgjedhën nga Senati, kurse katër të tjerët përcaktohen nga Ministria e Arsimit, Shkencës dhe të Teknologjisë (MAShT), shkruan kallxo.com