Në këtë kohë të epidemisë COVID-19 Kosova ka marrë masa emergjente të mbrojtjes, por ende nuk është miratuar dekreti i Presidentit për shpallje të gjendjes së jashtëzakonshme.
Në rast të shpalljes së kësaj gjendje është policia dhe ushtria ajo që kontrollon zbatimin e plotë të masave që kufizojnë ose pezullojnë liritë civile dhe të drejtat e njeriut.
Por, derisa veriu i vendit mbetet problematik sa i përket angazhimit të Forcës së Sigurisë së Kosovës në atë pjesë, është KFOR-i që riafirmon angazhimin e njësive të tij për të vazhduar aktivitetet e tyre të përditshme në të gjithë Kosovën, shkruan arbresh.info.
“Ne nuk komentojmë çështje të brendshme dhe vendimet sovrane të autoriteteve të Kosovës”, thonë në përgjigjen e KFOR-it në pyetjen nëse është konsultuar nga autoritetet e Kosovës në lidhje me shpalljen e gjendjes së jashtëzakonshme.
Aty thuhet se gjeneralmajor Michele Risi, Komandanti i Misionit të KFOR-it të drejtuar nga NATO, riafirmon angazhimin e njësive të tij për të vazhduar aktivitetet e tyre të përditshme në të gjithë Kosovën, me qëllim garantimin e një mjedisi të sigurt dhe lirisë së lëvizjes për të gjithë qytetarët e Kosovës, siç përcaktohet me mandat me Rezolutën 1244 të Këshillit të Sigurimit të Kombeve të Bashkuara.
“Zbaton në të njëjtën kohë masa parandaluese kundër COVID19, bazuar në rekomandimet e Organizatave Botërore të Shëndetit. Situata vazhdon të monitorohet nga KFOR në koordinim të ngushtë me Institucionet në Kosovë dhe Komunitetin Ndërkombëtar”, thuhet në përgjigjen e KFOR-it dërguar arbresh.info.
Përfaqësuesit e Qeverisë së Kosovës janë të ndarë sa i përket shpalljes së gjendjes së jashtëzakonshme, situatë kjo që solli shkarkimin e Ministrit të Brendshëm, Agim Veliu.
Opozita parlamentare ka shprehur përkrahje për dekretin e Presidentit, duke kërkuar të mblidhet Kuvendi për shpalljen e kësaj gjendje.
Kosova aktualisht qëndron më mirë se rajoni sa i përket kontrollit dhe masave mbrojtëse kundër koronavirusit./E.Ballazhi/arbresh.info/
Kurti në Paris, fton kompanitë franceze që të investojnë në ...
Ëndërroni gjëra të bukura, përse është më mirë të flini në k...
Ushqimet për një fytyrë pa rrudha
Pse ndonjëherë kemi frikë nga përballjet?
Venezuelë, arrestohen pesë persona të akuzuar për komplot ku...
Janjiq: Luhatjet politike rreth njohjes së Kosovës të panevo...