Djali iu bë polic, prindi përlotet nga emocionet: Rinia na ikën…Unë dy djem i kam jashtë, e ky kam pas qejf me vesh uniformën

16:28 | 2 Gusht 2024
KRG

Sot është mbajtur ceremonia e diplomimit të gjeneratës së 60-të të Policisë së Republikës së Kosovës.

Emocione të shumta nuk munguan të atyre që diplomuan me policët e rijnë që i’u shtuan radhës së Policisë së Kosovës.

Lot gëzimi, fjalë të mira, momente të lumtura ishin disa gjëra që nuk munguan.

E lotët e gëzimit, nuk ka mundur ti mbajë babai i një polici që sot diplomoi, raporton Arbresh.info.

Ai tha se është i lumtur që djali i tij e ka marrë këtë uniformë, pasi rinia kanë ikur nga Kosova.

“Kam emocione të papërshkrueshme, kom pas dëshirë me e marrë këtë uniformë, se rinia na ikën, unë dy djem i kam jashtë, e këta kam pas qef me inkuadru këtu, deshti fati dhe hini, unë kam qenë dhe më herët ushtar, shumë i gëzueshëm jam, ishalla kanë fat dhe skanë probleme”, u shpreh ai.

Ndryshe, në këtë ceremoni mori pjesë dhe Kryeministri i Republikës së Kosovës, Albin Kurti tha se policët të cilët sot po diplomojnë janë vlerë e shtuar e policisë sonë. /Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm