Zyra e BE-së në Prishtinë kanë mirëpritur nismën e partive politike të Kosovës, për të përmirësuar dhe fuqizuar procesin zgjedhor në Kosovë.
Sipas tyre zgjedhjet e drejta të lira dhe të besueshme janë bazë për funksionimin demokratik të institucioneve.
Sa i përket themelimit të një komisioni ad-hoc, zyra e Natalya Apostolovas konsideron se është e rëndësishme që anëtarë aty të jenë edhe ekspertë lokalë e ndërkombëtarë.
“Për këtë qëllim, e mirëpresim vendimin e Kuvendit për të themeluar një komision parlamentar ad hoc. Është e rëndësishme që ky komisionin do të ketë një grup këshillëdhënës të përbërë nga ekspertë dhe hisedarë lokalë dhe ndërkombëtarë. BE-ja dhe OSBE-ja do t’i mbështesin dhe t’i ndihmojnë ata në punën e tyre”, thuhet në një komunikatë për media.
Sipas kësaj zyre është kërkesë e vazhdueshme që demokracitë që janë në zhvillim të forcojnë procesin zgjedhor.
Ata thonë që për të pasur sukses një nismë e tillë, duhet një angazhim i sinqert i të gjitha partive politike në Kosovë.
“Fuqizimi dhe përmirësimi i procesit zgjedhor është një tipar i përhershëm i çdo demokracie dhe kërkesë e vazhdueshme për demokracitë në zhvillim. Në Kosovë, duhet të jetë i bazuar në të gjeturat dhe rekomandimet e Misionit të BE-së për Vëzhgimin e Zgjedhjeve nga zgjedhjet e kaluara për të siguruar zgjedhje më demokratike të mundshme në kuadër të kornizës kushtetuese. Që kjo përpjekje të ketë sukses është qenësor angazhimi i të gjitha partive politike”, përfundon komunikata. /arbresh.info/
KE-ja s’ua jep hisen e miliardave Kosovës e Serbisë pa zbati...
Aksident i dyfishtë në Tiranë, disa të lënduar
Nga sulmi izraelit mbi Bejrut, vriten 12 persona
Elvis Rexhbeçaj në formacionin startues të Augsburgut ndaj M...
Biden: Arritja e armëpushimit në Gaza është ende real
Odegaard do të humb nëntë ndeshje pas lëndimit