Zgjedhjet në veri, dhe mundësia e rizgjedhjes së lidershipit të njejtë

07:16 | 19 Maj 2019
arbresh.info

Mëngjesi i ditës së sotme ka filluar ndryshe në Mitrovicën Veriore, por që në fund të ditës do të mund të risjellë lidershipin e njejtë për të qeverisur me katër komunat veriore.

Më fillim të orës 07:00, në këtë komunë dhe në tri të tjera Leposaviq, Zveçan e Zubin Potok, janë  hapur qendrat e votimit, raporton arbresh.info.

Qytetaret e këtyre katër komunave do të mundë të votojnë për të zgjedhur kryetarët.

Kujtojmë se këto zgjedhje në katër komunat më shumicë serbë janë të jashtëzakonshme, pas dorëheqjes se katër kryetarëve muaj më parë pas vendimit të Qeverisë së Kosovës për vendosjen e taksës prej 100% ndaj produkteve serbe.

Në këto zgjedhje në katër komunat janë gjithsej nga tre kandidatë për kryetarë.

Kandidatë nga partitë serbe janë vetëm nga Lista Serbë, ndërsa partitë shqiptare në këto zgjedhje janë duke marrë pjesë vetëm Lëvizja Vetëvendosje dhe PDK-ja./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm