Zëvendës shefi i misionit të EULEX-it, Bernd Thran, ka qëndruar sot në pikë kalimin e përbashkët në Merdare ndërmjet Kosovës dhe Serbisë, ku ka takuar autoritetet e Prishtinës dhe Beogradit.
“Zëvendës Shefi i Misionit, Bernd Thran dhe këshilltari për MIK i EULEX-it, Alan Wilson u takuan sot me autoritetet e Prishtinës dhe të Beogradit në Pikën e Përbashkët të Kalimit në Merdarë (PPK), për të diskutuar për trafikun e ngarkuar kohëve të fundit, si dhe për çështjet infrastrukturore dhe administrative që lidhen me funksionimin e PPK-së”, thuhet në njoftimin.
Siç thuhet në njoftim, të dyja palët pritën Thran në zyrat e tyre ekzistuese, ku zhvilluan diskutime të hapura dhe konstruktive, dhe ku EULEX-i ra dakord të vazhdojë të ofrojë mbështetje të plotë në muajt e ardhshëm për të zgjidhur të gjitha çështjet e pazgjidhura në PPK.
“Pikat e përbashkëta të kalimit që janë plotësisht funksionale e që lejojnë qarkullimin efikas të trafikut do të jenë në interesin më të mirë të të gjithë qytetarëve”, tha Thran.
Thran ka qenë i përfshirë në ngritjen e PPK-së të miratuar nga Beogradi dhe Prishtina dhe vazhdon të jetë personalisht i interesuar për procesin në vazhdim dhe suksesin e kësaj iniciative të rëndësishme.
Raya zbulon sekretin për dy pritjet magjike natën e mbrëmshm...
Dogana arreston dy të dyshuar, për shmangie nga detyrimet do...
Kryesia e Kuvendit të Kosovës do të mblidhet të hënën
Tiranë: 62-vjeçari vdes në rrugë
Llapi transferon Gentrit Limanin
Caktohet seanca e shqyrtimit fillestar për sulmin terrorist ...