Zeka flet për raportet e tij me Bilall Sherifin, tregon pse nuk flasin që 4 muaj

23:13 | 7 Nëntor 2018
V. S.

Deputeti i Kuvendit të Kosovës nga radhët e Nismës Socialdemokrate, Milaim Zeka, ka folur për prishjen e raporteve mes tij dhe shefit të deputetëve të Nismës, Bilall Sherifi.

Ai ka thënë në televizionin T7 se me Sherifin nuk ka kurrfarë komunikimi që katër muaj.

Zeka ka thënë se Sherifi e ka fyer atë, por nuk ka treguar detaje të tjera. “Më ka fyer”, është shprehur ai. “S’e lejoj as atë, as askënd tjetër të më fyejë dy herë”, ka shtuar Zeka.

“Komunikoj me pesë deputetë të tjerë shumë mirë. Komunikoj me kryetarin e partisë (Fatmir Limaj) shumë mirë”, ka thënë Zeka.

Ai ka akuzuar Sherifin se e ka shtyrë kryetarin e Këshillit Kombëtar të Nismës, Jakup Krasniqi, që të deklarohet kundër Zekës.

Krasniqi kishte kërkuar falje ditë më parë që kishte lejuar Zekën të kandidonte për deputet nga radhët e Nismës.

“Kështu jeton Bilalli, me intriga”, ka thënë Zeka../T7/

Shpërndaje në rrjete sociale

Lajmet më të lexuara

Të ngjashme

Foto lajm

sq sq