VV: Qeverisja e re do të bëjë investime që gjenerojnë vende të reja pune

23:57 | 21 Prill 2019
Trina Galanxhi

Vetëvendosje ka vazhduar edhe sot fushatën “Kundër PANhajnisë”, ata ishin në qytetin e Ferizajt.

Sipas VV-së qeverisja e re do të bëjë investime që gjenerojnë vende të reja pune, por jo në asfalt që mbetet i zbrazur.
“Këta politikanë që mbyllin perspektivën për qytetarë nuk mund të hapin vende të reja të punës. Këta investimin dhe investitorin së pari e shohin si përqindje pastaj si investim”.

“PANqeveria që ndjek prokurorin nga shteti nuk mund të sigurojë investime për vendin. Pa drejtësi e siguri nuk mund të ketë zhvillim e punësim. Andaj, me qeverisjen e re, siguria e ligji, zhvillimi e barazia do të jetë rruga e vetme për ta nxjerrë  Republikën nga kjo ngrehinë”.

“Sot, në Ferizaj, qytetarët e bashkuar treguan se Kosova po ndryshon, një herë si vendosmëri, sikur sot, pastaj edhe në protestë e zgjedhje të reja”, thuhet shkrimin e VV-së në faqen zyrtare në Facebook.

Shpërndaje në rrjete sociale

Lajmet më të lexuara

Të ngjashme

Foto lajm