“Vuçiqi dëshiron t’i dijë kufijtë e Serbisë”

14:04 | 24 Shtator 2018
Arbresh.info

Kryetari i Serbisë Aleksandar Vuçiq vetëm po dëshiron t’i dijë kufijtë tanë (të Serbisë).

Kështu ka thënë sot sekretari i përgjithshëm i kryetarit të Serbisë Nikola Selakoviq, transmeton Koha.net.

Ai ka shtuar se për këto çështje është vështirë të luftohet ndërsa e ka lavdëruar diplomacinë serbe të cilën e ka quajtur të fuqishme.

Zyrtari i lartë serb ka deklaruar për televizionin “Prva” se nga bisedimet e delegacionit të Serbisë me atë të Kosovës në New York nuk pret asgjë të re dhe as epokale.

“Kryetari i Serbisë Aleksandar Vuçiq lidhur me çështjen e Kosovës është përpjekur ta gjejë këndin e drejtë, pozicionin që është vështirë të gjendet dhe të zgjidhet në mënyrë që të ruhen e të mbahen mbijetesa dhe qëndrimi i Serbisë dhe i interesave të serbëve në Kosovë”, ka thënë Selakoviq.

Shpërndaje në rrjete sociale

Lajmet më të lexuara

Të ngjashme

Foto lajm