Google ADS

Vetëvendosje i bënë thirrje Haradinajt: Mos u zmbraps

08:20 | 30 Janar 2019
V. S.

Deputeti i Lëvizjes Vetëvendosje, Rexhep Selimi, vlerëson se nëse tërhiqet taksa, Serbia do të përfitojë ndaj Kosovës.

Ai bënë thirrje kryeministrit, Ramush Haradinaj, që mos të tërhiqet nga vendimi për taksën ndaj produkteve serbe, shkruan arbresh.info.

“Qeveria e Republikës së Kosovës nuk duhet të tërhiqet nga taksa ndaj Serbisë. Nëse tërhiqet taksa Serbia do të përfitojë në forcimin e pozicionit të saj ndaj Kosovës.  Ne i bëjmë thirrje Haradinajt mos u zmbraps”, ka thënë Selimi për arbresh.info.

Presioni i Shteteve të Bashkuara të Amerikës dhe Bashkimi Evropian ka thyer qëndrimet brenda koalicionit qeverisës nëse duhet të pezullohet taksa deri në një marrëveshje për njohjen e Kosovës nga ana e Serbisë.

Kryeministri Haradinaj, të hënën bëri të ditur se për çfarëdo çmimi nuk do të heqë taksën, dhe as të pezullojë për 120 ditë, ashtu siç propozoi së fundi edhe kreu i Kuvendit, Kadri Veseli./Ardita Zeka/arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm