Veseli: Kosova është ajo me ata kufij që e ka shpallë pavarësinë (VIDEO)

12:20 | 19 Shtator 2018
Arbresh.info

Kryetari i Kuvendit të Kosovës, Kadri Veseli ka thënë se qëndron prapa deklaratës për kufijtë e Kosovës.

Ai ka bërë thirrje për një tryezë që të bisedohet dhe të gjendet një zgjidhje nga i gjithë spektri politik, raporton arbresh.info.

Veseli tutje tha se Kosova e ka obligim që të mendoj për shqiptarët e Luginës së Preshevës dhe të mos lejojë të diskriminohen.

Kryeparlamentari madje ka përmendur rastin e abetareve të dërguara nga Republika e Kosovës, por që asnjëherë nuk kanë arritur cakun.

“E kam edhe me shkrim deklaratën time për kufijtë. Unë kam bërë ftesë edhe më herët për tryezë për diskutim lidhur me këtë çështje dhe edhe 1000 milionë herë e përsëris që Kosova është ajo që ka dalur nga lufta dhe me ata kufij që e ka shpallur pavarësinë. Sa i përket Luginës, Kosova ka obligim që të mendojë për të gjithë shqiptaret në botë edhe për Luginën që mos të jenë të diskriminuar”, u shpreh ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm