Kryeparlamentari, Kadri Veseli, thotë se me autostradën “Arbën Xhaferi” po ndërtohen ura që lidhin qytetarët e Kosovës me vendet e rajonit.

“Qysh ja kemi marr dorën autostradave muj me shku deri në Maqedoninë Veriore e në Mal të Zi t’ju bojmë autostrada.  Po ndërtojmë ura që po i lidhim bashkë qytetarët tanë me vendet e rajonit. Do të shkojmë me një projekt të madh infrastrukturorë që do të lidhë Kosovën me Malin e Zi. Kosova do të jetë bashkëpunuese gjithmonë më Maqedoninë dhe Malin e Zi, dhe s’do të harrojmë kontributin e dhënë për vendin tonë,” është shprehur Veseli në ceremoninë hapëse të autostradës.

Para të pranishmëve, Veseli shtoi se Kosova do të orientohet kah pjesa e zhvillimit ekonomik, orientimi do të jetë kah sundimi i ligjit, lufta kundër korrupsionit.

“Kosova është e fuqishme të krijojë edhe mrekulli. Keni besim në shtetin e Kosovës. Kosova do të jetë përjetë mirënjohëse vendeve të botës demokratike,” është shprehur Veseli.

Të pranishëm në ceremoni ishin edhe krerët e shtetit, kryeministrat e Malit të Zi dhe Maqedonisë, zyrtarë të lartë shtetërorë vendor dhe të huaj, dhe qytetarë të shumtë./arbresh.info/

Pal Lekaj e harron të përmend autostradën e Gjilanit

Pal Lekaj e harron të përmend autostradën e Gjilanit