Google ADS

Vazhdojnë protestën banorët e fshatit Kërvasari të Malishevës

14:43 | 19 Dhjetor 2018
V. S.

Banorët e fshatit Kërvasari të Malishevës kanë tre ditë që protetojnë pranë vendit ku po punohet nga gurëthyesi, ndërtimi i të cilit po i pengon ata.

Këta qytetarë janë të shqetësuar se rrëmimi i tokës ka filluar t’ua dëmtojë shtëpitë dhe t’u krijojë plasaritje nëpër mure.

Hallin e kanë me komunën e Malishevës e cila sipas banorëve ua ka dhënë pëlqimin ministrisë dhe kompanisë së gurëthyesit për të punuar, njofton Klan Kosova.

Ata bënë krahasim në mes vendimit të 26 shkurtit kur kryetari i kësaj komune Ragip Begaj nuk kishte lejuar të hapet një gurëthyes me vendim, me arsyetimin se rrezikon jetën e qytetarëve, por i njëjti në qershor ka lejuar të hapet një gurëthyes shumë pranë zonës që më parë e kishte ndaluar.

Shpërndaje në rrjete sociale

Lajmet më të lexuara

Të ngjashme

Foto lajm