Google ADS

Stafi civil i Zyrës së Kryeministrit hyn në grevë, shkak pagat

12:00 | 3 Shtator 2018
Arbresh.info

Të pakënaqur me mosrritjen e pagave sikurse kolegët e tyre nga stafi politik: zyrës se informimit, asaj ligjore dhe sekretariatit koordinues, stafi civil i Zyrës së Kryeministrit të Kosovës ka hyrë në grevë që nga orët e hershme të mëngjesit të së hënës.

Sipas disa burimeve merret vesh se arsyeja e kësaj greve ka ardhur si rrjedhojë e privilegjeve në rritje të pagave të disa zyrave, sidomos asaj të informimit, zyrës ligjore dhe sekretariatit koordinues.

“Stafi është mbledhur në sallën e Qeverisë dhe po kërkon të drejta të plota me kolegët e tyre”, ka thënë një burim për Telegrafin brenda grevës.

Ndryshe, Telegrafi ka kontaktuar edhe zëdhënësen e Qeverisë, mirëpo ende nuk ka marrë ndonjë përgjigje për këtë.

Muaj më parë një vendim të qeverisë që ishte kritikuar shumë kryeministri dhe kabineti qeveritar kishte marrë vendim për rritjen e pagave të kryeministrit, zëvendëskryeministrave, ministrave e zëvendësve të tyre, si dhe stafit politik.

Shpërndaje në rrjete sociale

Lajmet më të lexuara

Të ngjashme

Foto lajm