Google ADS

Prizren: F.M. dënohet se rrahu burrin që ia ftonte gruan në takim

15:37 | 27 Gusht 2018
Arbresh.info

Gjykata e Prizrenit ka përmbyllur me dënime me burg incidentin e 25 gushtit 2011 ku personi me inicialet G.B ishte rrahur me stupc bejsbolli.

Në një njoftim të gjykatës sqarohet se F.M. është dënuar me gjashtë muaj burgim ndërsa personi i dytë V.M. është dënuar me gjashtë muaj me kusht nën akuzën për lëndime të rënda trupore.

Sipas njoftimit të gjykatës, viktima e kishte thirrur në telefon për një takim bashkëshorten e të pandehurit F.M. Kur viktima ishte afruar në vendin ku ishte lënë takimi, aty sipas aktakuzë ishin duke pritur burri (F.M.) dhe i pandehuri V.M.

“Të pandehurit dalin në vend takim ku i pandehuri i parë kërkon nga i dëmtuari që të del jashtë automjetit, i dëmtuari refuzon, e më pas i pandehuri hap derën e automjetit e godet me shkop të bejsbolli  ndërsa i pandehuri i dytë  e godet me grusht dhe shqelma të dëmtuarin në kokë me ç‘rast i shkaktojnë lëndime të rënda trupore”, thuhet në njoftimin e gjykatës.

Komunikata sqaron se palët kanë të drejtë ankese në Gjykatën e Apelit.

Shpërndaje në rrjete sociale

Lajmet më të lexuara

Të ngjashme

Foto lajm