Google ADS

Presionet dhe kërcënimet “enigmatike” të dorëheqjes së ish-prokurorit Blakaj

07:13 | 16 Gusht 2018
Arbresh.info

Presionet dhe kërcënimet, të cilat dyshohet se e kanë shtyrë ish-prokurorin Special, Elez Blakaj, drejt dorëheqjes mbesin enigmatike.

Dorëheqja e tij, për të cilën raportoi një ditë më parë “Koha Ditore”, ka bërë bujë në opinion. Menjëherë ka reaguar Prokuroria e Shtetit, duke thënë se nuk e dinë arsyen e dorëheqjes së ish-prokurorit. Mirëpo, ka pranuar se Blakaj ka raportuar një rast të kërcënimit përderisa ka qenë duke u gjykuar ish-imami i Xhamisë së Madhe në Prishtinë, Shefqet Krasniqi.

Ish-prokurori së fundi ka qenë duke i hetuar keqpërdorimet me listat e veteranëve të UÇK-së. Hetimet, sipas “Betimi për Drejtësi” kanë përfunduar dhe aktakuzën Blakaj e ka dorëzuar te eprorët e tij, porse “ata po e mbajnë të fshehtë”.

Në anën tjetër, Prokuroria ka mohuar se ka një aktakuzë të tillë. Ka thënë se hetimet rreth këtij rasti ende janë duke vazhduar.

Vetë Blakaj, edhe më tutje vazhdon të heshtë për opinionin. Ndërkohë, ndërkombëtarët, por edhe vendorët e kanë pritur me shqetësim dorëheqjen e tij, duke kërkuar hetimin e shkaqeve.

Shpërndaje në rrjete sociale

Lajmet më të lexuara

Të ngjashme

Foto lajm