U zu duke vjedhur në një nga dyqanet e kryeqytetit në shkurt të këtij viti.

E rusja, Jana Minochkina, këshilltare politike në UNMIK, po vazhdon ende të mbaj këtë pozitë brenda Institucionit.

Kështu ka bërë të ditur një burim i arbresh.info. Madje sipas të njëjtit burim, veç mos shqiptimit të asnjë ndëshkimi, punëtorëve u është kërkuar që të mos përmendin incidentin.

“Zyrtarja ruse është ende pjesë e UNMIK-ut, ajo mban të njëjtën pozitë që ka pas edhe para incidentit. Ndaj saj nuk është marrë asnjë masë ndëshkuese madje stafit u është kërkuar të mos ia përmendin rastin në të kundërtën do të ketë pasoja për ta”, ka thënë ky burim.

E në Policinë e Kosovës duke mos komentuar se çfarë është bërë me këtë rast kanë kërkuar që pyetjet t’iu përcjellën organeve kompetente.

“Ju lutemi qe lidhur me kërkesën e poshtëshënuar ti adresoheni autoritetit kompetent”, thuhet në përgjigjen e PK-së.

Por, burime të arbresh.info brenda Policisë së Kosovës bëjnë të ditur se tashmë është dorëzuar në prokurori kallëzimi penal.

“Rasti i vjedhjes 03.02.2019. Kallëzimi penal i policisë është dorëzuar në prokurori me dat 26.02.2019 nën dyshimin e v.p vjedhje në butikun Beneton,” bënë të ditur ky burim për arbresh.info.

Ndërsa as edhe pas katër ditësh në prokurori nuk kanë kthyer përgjigje në lidhje me këtë rast.

E situatë e njëjte është edhe me UNMIK-un. Ka katër ditë që arbresh.info ka dërguar pyetje për të parë nëse zyrtarja ruse punon ende në këtë mision të OKB-së.

E kohën kur ndodhi vjedhja, ekspertët e sigurisë nuk e konsideronin si vjedhje të zakonshme. Ata patën ngritur dyshimet se vjedhja është një aktiviteti operativ të shërbimit intelegjent rus.

Katër muaj më vonë një zyrtarë tjetër i UNMIK-ut me prejardhje ruse është përfshirë në një skandal tjetër.

E Mihael Krasneoschenko, u arrestua nga Policia e Kosovë pasi me veturë zyrtare ka tentuar të bllokoi punën e Policisë së Kosovës gjatë aksionit  kundër kontrabandës të zhvilluar më 28 maj në veri të Kosovës.

Bashkë me zyrtarin rus ishte arrestuar edhe një serb i cili ishte bashke me t në veturë e që ishte po ashtu zyrtar i UNMIK-ut.

E pas arrestimit ka qenë i menjëhershëm reagimi i Ambasadës Ruse.

“Ne kërkojmë lirimin e menjëhershëm të rusit dhe se përgjegjësit për këtë incident flagrant do të japin përgjegjësi”, thuhet në reagimin e  Ambasadës.

E lirimi i tij ka ndodhur gjatë ditës ndërsa zyrtarë të Policisë së Kosovës kanë bërë të ditur se i shtetasi rus ka imunitet diplomatik dhe nuk mund të mbahet apo ndalohet në polici./arbresh.info/