Përfundon mbledhja e LDK-së, nuk ka kandidat për kryeministër

14:53 | 6 Gusht 2019
Arbresh.info

Pas pothuajse dy ore ka përfunduar mbledhja e kryesisë së vjet të LDK-së së bashku me kryetarin Isa Mustafa.

Në këtë takim nuk është diskutuar për asnjë pozitë apo zgjedhje të Kryesisë së re ose emrin e kandidatit për kryeministër.

Të paktën kështu tha Besian Mustafa zëdhënës i LDK-së.

“Takim konsultativ janë diskutuar për zgjedhjet e ardhshme. Nesër do të mbajmë takimin më këshillin drejtues ku temë e njëjtë do të jetë zgjedhjet dhe përgatitjet për to.

Sot nuk është diskutuar as për ndonjë pozitë apo kandidat për kryeministër apo ndonjë post tjetër brenda LDK-së ashtu siç është raportuar sot nëpër media”, tha Mustafa.

Mustafa tutje ka treguar se të njëjtit do të mblidhen edhe nesër në ora 16:30 minuta, por se edhe në këtë takim sipas tij temë e vetme do të jenë zgjedhjet e parakohshme.

Kujtojmë se LDK-ja ka përfunduar të shtunën procesin e brendshëm zgjedhor i ka vazhduar edhe për një mandat kryetarit Isa Mustafa si udhëheqës i partisë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm