Google ADS

Pas ngjarjes në Pejë, reagon Bashkimi i Sindikatave të Pavarura të Kosovës

09:59 | 7 Dhjetor 2018
V. S.

Bashkimi i Sindikatave të Pavarura të Kosovës, ka reaguar pas vdekjes së punëtorit nga Peja i cili humbi dorën në vendin e tij të punës.

BSPK ka shprehur shqetësimin e thellë për kushtet e vështira të punës me të cilat po ballafaqohen punëtorët e vendit, sidomos ata të sektorit privat.

“Numri i të lënduarve dhe të vdekurve në vendin e punës po merr përmasa shqetësuese andaj BSPK, shprehë shqetësim të thellë lidhur me këtë situatë dhe njëherit i shprehë ngushëllime familjes së punëtorit të aksidentuar këtë javë në punë ku si rezultat i këtij aksidenti humbi dorën dhe pastaj edhe vdiq në QKUK”, thuhet në njoftim.

BSPK shpreh keqardhje për këtë ndodhi dhe kushtet e vështira në të cilat po punojnë punëtorët në vendin e punës dhe njëherit bën thirrje të organet kompetente që të ndërmarrin hapa konkret që punëtorët, sidomos të sektorit privat të kenë mbrojtje dhe siguri më të madhe në punë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm