Serbia, Rusia dhe Kina kanë dështuar të bllokojnë Kosovën në takimin vjetor të Organizatës Botërore të Doganave.
Ka deklaruar sot Ministri i Punëve të Jashtme, Behgjet Pacolli, përmes një statusi në Facebook.
Ai ka shkruar se në këtë takim nuk u arrit që të bllokohet ushtrimi i të drejtave të Kosovës si anëtare.
Postimi i plotë i Pacollit në Facebook:
Kosova me miqtë fiton betejën në Organizatën Botërore të Doganave
Sot përfundoi takimi vjetor i Organizatës Botërore të Doganave. Përpjekjet e Serbisë, Rusisë dhe Kinës për të bllokuar Kosovën nga ushtrimi i të drejtave të saj si anëtare, dështuan.
Kosova mori pjesë në të gjitha votimet, u aprovua kontributi vjetor financiar dhe kishte të drejtën e plotë dhe të barabartë për të folur dhe për të marrë pjesë në të gjitha aktivitetet.
Ky është një sukses për pozitën e Kosovës në skenën ndërkombëtare dhe një argument tjetër se pavarësia dhe statusi i Kosovës si një anëtar i barabartë i bashkësisë ndërkombëtare është një çështje e mbyllur.
Unë jam mirënjohës ndaj delegacionit të Kosovës dhe miqve tanë për luftën e fuqishme në mbrojtjen e anëtarësimit tonë dhe parandalimin e skenarëve të pista të Serbisë dhe Rusisë
Haradinaj dekoron Medën me medaljen “Me besim në Zot, Atdhe ...
Trajnimi nga ICITAP, Hoxha: AMP-së, mbështetje për të forcua...
Po bënin gara me vetura, gjobitën dy shoferë në Vushtrri – u...
Claudio Bravo edhe pse i pensionuar i gatshëm të rikthehet t...
Vitia dhe Shefja e Zyrës së UNICEF-it në Kosovë flasin rreth...
AGK: Numri i sulmeve ndaj gazetarëve në vitin 2023 është rri...