Takimi i së enjtes në Bruksel mes presidentit kosovar, Hashim Thaçi, atij serb Aleksandar Vuciq me ndërmjetësimin e Federica Mogherinit doli pa rezultat. Të paktën kështu u tha nga dy krerët e shteteve, Thaçit e Vuciqit.
Por, në Kosovë ndryshe po e sheh këtë takim, kryetarja e Komisionit për Punë të Jashtme, Vjosa Osmani.
Për të, Thaci e Vuciqi edhe njëherë, nuk po tregojnë transparencë.
“Presidenti mbrëmë nuk tha asgjë, ata me siguri kanë folur për cështje substanciale por po e mbajnë të fshehtë, duhet ta dijë Thaci dhe Brukseli që cfarëdo marrëveshje nuk do të gjej zbatim në Kosovë”
Për Osmanin, procesi i dialogut po ndikon direkt në diplomacinë kosovare dhe më saktësisht procesin e njohjeve.
“ Procesi i dialogut e ka dëmtuar procesin e njohjeve, sepse shtetet po mendojnë që Kosova e Serbia po bisedojnë për statusin e Kosovës dhe për njohje duhet pritur deri në përfundim të dialogut”.
Në një kohë kur po diskutohet fushata e Serbisë që shtetet që tashmë kanë njohur shtetin e Kosovës t’i tërheqin ato, Osmani thotë se presidenti i Kosovës po i kontribuon kësaj fushate.
“Po punohet kundër sepse presidenti po hap diskutimin mbi statusin e Kosovës dhe automatikisht vendet e botës rishqyrtojnë qëndrimin karshi…”.
Ndërkohë, gjatë ditës kryeministri i vendit është pyetur në lidhje tërheqjen e njohjeve, por ai nuk ka dashur të deklarohet për këtë temë.
Shkrumbohet një banesë në Lushnje
Agjenti konfirmon rikthimin e Mario Balotellit në Serie A
Britania dhe Kina japin shenja pajtimi gjatë vizitës së krye...
Femra vendosni: Këto janë karakteristikat kryesore të mashku...
Ushqimet për një fytyrë pa rrudha
Kurti në Paris, fton kompanitë franceze që të investojnë në ...