Emërimi i Philip Reeker në pozitën e ndihmës sekretarit të Shtetit në vend të Wess Mitchelit, në Serbi po shihet si një lëvizje e Shteteve të Bashkuara të Amerikës e cila do të përshpejtojë zgjidhjen e problemit ndërmjet Kosovës dhe Serbisë.
Siç shkruan ‘novosti’ emërimi i tij tregon se SHBA-ja është e interesuar që sa më parë të zgjidh çështjen e Kosovës e cila po e mban peng rajonin e Ballkanit Perëndimor.
Reeker ka një përvojë të madhe si diplomat dhe është një njohës shumë i mirë i zhvillimeve në Ballkan. Ai pritet që të jetë njeriu kryesor i SHBA-së në Ballkan, pasi që në biografinë e tij ka shumë përvoja që e dëshmojnë një gjë të tillë, transmeton Gazeta Express.
Në vitin 1999 ai kishte shërbyer si zëdhënës i të dërguarit amerikan në negociatat e Rambujesë, ambasadorit Kristofer Hill, në 2003 dhe 2004 ka qenë zëdhënës i Departamentit të Shtetit, në vitin 2007 ka shërbyer në Hungari si zëvendës diplomat i parë në misionin e SHBA-së. Ka qenë me detyrë edhe në Irak, dhe ambasador i SHBA-së në Maqedoni nga 2008 deri 2011.
Më pas ai ka qenë zëvendës ndihmës i sekretarit në Zyrën e Çështjeve Evropiane dhe Euroaziatike, pastaj një turne në Ballkan, duke vizituar Beogradin disa herë. Në vitin 2013 në Universitetin e Karolinës së Veriut, Reeker kishte marrë pjesë në një debat mbi “Ballkanin, luftën, pastrimin etnik, dhe demokratizimin e integrimin në Evropë”.
Reeker edhe gjatë vitit 2013 kishte folur për progresin e Ballkanit Perëndimor, duke paralajmëruar marrjen e vendimeve të vështira. Ai kishte thënë se autoritet në Prishtinë dhe Beograd duhet të realizojnë marrëveshjet e arritura në Bruksel./GazetExpress/
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...