Ndërpritet greva e kirurgëve në Spitalin Rajonal të Mitrovicës

15:17 | 9 Janar 2019
Arbresh.info

Javë më parë Kolegjiumet profesionale të kirurgëve të Qendrës Klinike Universitare të Kosovës kanë hyrë në grevë, me të vetmen kërkesë, për rritjen e pagave në nivel të gjyqtarëve dhe prokurorëve.

Kësaj greve fillimisht i janë përgjigjur edhe kirurgët e Spitalit Rajonal të Mitrovicës, mirëpo në mënyrë që qytetarët mos të hasin në vështirësi për ti trajtuar sëmundjet e tyre ata orë më parë morën vendim që ta ndërpresin këtë grevë.

Me këtë rast kryetari Bahtiri, u ndie shumë mirënjohës për këtë hap madhështor nga ana e tyre, ku i falënderoi kirurgët e Spitalit Rajonal të Mitrovicës ”Dr. Sami Haxhibeqiri” përzemërsisht, thuhet në komunikatë.

Ai shtoi se është me të vërtetë për t’u vlerësuar kur dihet fakti që edhe përkundër kërkesave të tyre ata vendosën për të vazhduar punën e tyre duke ju dal në ndihmë qytetarëve mitrovicas.

Shpërndaje në rrjete sociale

Lajmet më të lexuara

Të ngjashme

Foto lajm