Kryetari i LDK-së, Isa Mustafa ka mohuar se ai gjendet në listën e veteranëve. Ai përmes një postimi në facebook ka thënë se nuk ka aplikuar e as nuk është shpallur veteran i luftës së UÇK-së.

“Lexova sot në një portal, sipas dëshmisë së z. Nasim Haradinaj, se edhe unë qenkam në listën e veteranëve. Dua të sqaroj për opinionin se as nuk kam aplikuar e as nuk jam shpallur veteran i luftës së UÇK-së”, ka shkruar Mustafa në facebook.

Mustafa ka thënë se së bashku më mijëra aktivistë kanë grumbulluar fonde për Kosovën dhe e kanë mbështetur financiarisht luftën e UCK-së por që nuk kanë kërkuar pension për çlirimin e vendit. as ai as bashkëpunëtorët e tij.

Postimi i plotë i Mustafës:

Lexova sot në një portal, sipas dëshmisë së z. Nasim Haradinaj, se edhe unë qenkam në listën e veteranëve. Dua të sqaroj për opinionin se as nuk kam aplikuar e as nuk jam shpallur veteran i luftës së UÇK-së.

Me mijëra aktivist kemi grumbulluar fonde për Kosovën gjatë viteve të nëntëdhjeta, kemi mbështetur luftën e UÇK-së financiarisht, por as unë dhe as bashkëpunëtorët e mi nuk kemi kërkuar pension për clirimin e vendit. Është tragjike të lejohet që çdo luftëtarë i vërtetë të bartë në supet e tij edhe dy veteran të rrejshëm. Kështu damkoset lufta e keqpërdoren taksapaguesit e Kosovës. Duhet të veprojë ligji.