Google ADS

Mustafa i reagon Thaçit: Mos të manipulohet me deklaratat e Rugovës të para 25 vjetëve

00:24 | 26 Gusht 2018
Trina Galanxhi

Kryetari i Lidhjes Demokratike të Kosovës, Isa Mustafa ka reaguar kundrejt deklaratave të presidentit Hashim Thaçi, derisa ky i fundit ka cituar ish- presidentin histortik Ibrahim Rugova, për këmbim territoresh.

I pari i LDK-së, Mustafa thotë se e kanë gabim dhe me prapavijë të keqe ata që tentojnë të manipulojnë me intervistat dhe deklaratat e Presidentit Rugova të para 25 vjetëve, transmeton Indeksonline.

Sipas tij, Rugova ka dhënë kontribut të jashtëzakonshëm historik në pavarësimin e Kosovës, ka shtruar ide dhe koncepte në periudha të ndjeshme kohore, jo vetëm për Kosovën por edhe për të ardhmen e shqiptarëve në trojet e tyre etnike.

Mustafa vlerëson se Kosova ka përmbyllur të gjitha çështjet e hapura me aktin e shpalljes së pavarësisë duke vulosur kontributin e Presidentit Rugova, të UÇK-së dhe aleatëve tanë ndërkombëtar.

Shkrimi i tij i plotë në Facebook:

E kanë gabim dhe me prapavijë të keqe ata që tentojnë të manipulojnë me intervistat dhe deklaratat e Presidentit Rugova të para 25 vjetëve.

Rugova ka dhënë kontribut të jashtëzakonshëm historik në pavarësimin e Kosovës, ka shtruar ide dhe koncepte në periudha të ndjeshme kohore, jo vetëm për Kosovën por edhe për të ardhmen e shqiptarëve në trojet e tyre etnike. Ndërkaq, Kosova ka përmbyllur të gjitha çështjet e hapura me aktin e shpalljes së pavarësisë duke vulosur kontributin e Presidentit Rugova, të UÇK-së dhe aleatëve tanë ndërkombëtar.

Askush nuk ka të drejtë ta keqpërdorë emrin e Presidentit Ibrahim Rugova për të vënë në pyetje integritetin territorial dhe sovranitetin e Republikës së Kosovës, as Presidenti Thaçi dhe as këndesat e tij.IM

Shpërndaje në rrjete sociale

Të ngjashme