Mustafa: Drejtësia shqiptare në borxh me kolonel Ahmet Krasniqin

16:20 | 21 Shtator 2018
Arbresh.info

Kryetari i Lidhjes Demokratike të Kosovës, Isa Mustafa ka shkruar në Facebook për rivarrimin e kolonel Ahmet Krasniqit, i cili ishte Ministër i Mbrojtjes në Qeverinë e Republikës së Kosovës.

Ai tha se drejtësia shqiptare po i mbetet borxh zbardhjes së vdekjes së kolonel Ahmet Krasniqit.

“Të dashur miq, Pas njëzet vjetësh, sot trazojmë kujtimet tona të hidhura për aktin e ekzekutimit barbar, nga dora e fshehtë, të kolonel Ahmet Krasniqi, Ministër i Mbrojtjes në Qeverinë e Republikës së Kosovës që veproi në ekzil. Sot po bëhet rivarrimi i eshtrave të këtij burri të Kosovës, trimi e atdhetari, por drejtësia shqiptare i mbetet borxh zbardhjes së vrasjes së tij, para derës së shtëpisë ku banonte me oficerët tjerë të kësaj ministrie në Tiranë, në Rrugën e Medreses. Krahas përmbushjes së një amaneti që Baci (siç komunikonim me njëri-tjetrin) të varroset në Kosovë, shtrohet pyetja se si do të përmbushet amaneti tjetër, ai i zbulimit të dorasëve dhe organizatorëve të ekzekutimit të tij, pas zhvarrosjes nga Tirana dhe rivarrosjes në Prishtinë. Edhe këtë duhet ta kishin llogaritur organizatorët” ka shkruar Mustafa.

Shpërndaje në rrjete sociale

Lajmet më të lexuara

Të ngjashme

Foto lajm