Kryetari i LDK-së, Isa Mustafa, i ka reaguar kryeministrit Haradinaj për deklaratat e këtij të fundit lidhur me taksën.
Haradinaj në një paraqitje para mediave kishte thënë se LDK-ja, Veseli, Thaçi e Limaj i kanë pranuar shumë lehtë kushtet e Serbisë me kërkesat e tyre për pezullimin e taksës.
E Mustafa përmes një postimi në Facebook ka thënë se deklarata e Haradinajt është e pasaktë, jokorrekte dhe përngjan në fushatë.
Sipas tij, qëndrimet e LDK-së janë të qarta kundër negocimit të shtetësisë dhe territorit.
Ky është postimi i Mustafës në Facebook:
Deklarata e sotme e Kryeministrit Haradinaj me të cilën mua dhe LDK-në i fut ne nje kazan me z. Thaçin, z. Veselin e tjerë dhe në korelacion me Serbinë, është jokorrekte, e pasaktë dhe përngjan në fushatë.
Edhe po deshi Kryeministri Haradinaj, nuk behem bashk me Thaçin dhe Veselin. Nuk bëhem bashk as me z. Haradinaj me mënyrën e të qeverisurit të tij!
Qendrimet e LDK-së janë të qarta, nuk pranojmë dialog për kufijtë, për territorin dhe për shtetësinë e shpallur më 17 shkurt 2008.
Taksën e ka sjellë Qeveria me direktiva të z. Veseli: ju e keni bërë, ju vendosni çfarë të bëni me te. Ju jeni koalicioni qeverisës, LDK është opozita juaj. Jeni në pushtet dhe mos e luani rolin e viktimës.
LDK do të kultivojë miqësi të përhershme me SHBA-të. Për këtë nuk e pyesim askënd.
Tjetër shpërthim në Libanin jugor, Izraeli zotohet të godas ...
Ursula von der Leyen të shtunën viziton Kosovës, pritet në t...
Zidane ‘injoron’ Ronaldon kur emëron tre lojtarët e Real Mad...
Moti sot në Shqipëri
Ministri bullgar sot viziton Kosovën, nënshkruajnë me Çekun ...
Sot mbahet ceremonia e hapjes së edicionit të 10-të të Shkol...