Pronarë të furrave në Kosovë e shfrytëzuan mirë vendimin e Qeverisë për vendosjen e taksës prej 10 për qind në produktet që vijnë nga Serbia duke shtrenjtuar çmimin e bukës nga 30 centë sa ishte deri më tash në 40 centë sa është bërë tani.
Por kësaj ngritjeje nuk pritet t’i gëzohen edhe gjatë, pasi Inspektorati i Tregut, që vepron në kuadër të MTI-së, ka filluar me monitorimin e çmimeve në treg dhe shpreson në rikthimin e mëparshëm të çmimit të bukës, shkruan sot Gazeta “Zëri”.
Vendosja e taksës prej 10 për qind në produktet që vijnë nga shteti serb dhe nga Bosnja ka shërbyer për pronarët e furrave të Kosovës të përfitojnë në biznesin e tyre duke ngritur çmimin e bukës.
Kjo ngritje nuk pritet të jetësohet edhe gjatë pasi kreu i MTI-së, Endrit Shala, po paralajmëron eliminimin e kësaj marrëveshjeje që ai preferon ta quajë “të fshehtë”.
Në një deklaratë dhënë gazetës “Zëri”, ministri Shala ka mohuar pretendimet se ngritja e çmimit të bukës është bërë si pasojë e vendosjes së taksës.
Sipas tij, nëse ngritja e çmimit do të bëhej në proporcion me vendosjen e taksës, atëherë çmimi i bukës do të duhej të rritej vetëm për 10 për qind nga 30 centë në 33 centë e jo në 40 centë siç është rritur aktualisht.
Ter Stegen drejt largimit, Barcelona gjen zëvendësuesin e gj...
Shtatë të vrarë nga një sulm izraelit në një shkollë të kthy...
Netanyahu thotë se Hezbollahut i janë shkaktuar goditje të p...
Haxhiu: Fehmia, Xheva e Fatimja, do të mbeten përherë shembu...
Automjeti i ushtrisë serbe shtyp veturën, vdesin pesë person...
Zbulohet laboratori i drogës në podrumin e një banese në Pri...