Molliqaj paralajmëron ditën kur do prezanton faktet se Konjufca ishte në SHIK

09:59 | 5 Prill 2019
V. S.

Deputeti i Kuvendit të Kosovës nga radhët e PSD-së, Dardan Molliqaj, paralajmëroi se faktet që Glauk Konjufca ka qenë pjesë e SHIK-ut do t’i prezantojë gjatë seancës së ardhshme të Kuvendit të Kosovës.

Këtë deklaratë, Molliqaj e bëri në emisionin “Debat Plus” në RTV Dukagjini, duke thënë se ajo çfarë ka deklaruar më parë qëndron 100%.

Ai shtoi se Konjufca mund ta mbyllte këtë çështje duke e pranuar këtë fakt dhe jo të fshihej ose të shkonte në gjykatë.

Molliqaj tha se seanca e Kuvendit të Kosovës ku është paraparë të flitej jashtë rendit të ditës do të mbahet më 12 prill, ditë që ai premton se do të shfaqë faktet për Konjufcën.

Para 2 muajsh, Konjufca kishte padikur dorëzuar një padi në Gjykatën Themelore të Prishtinës me pretendimet se Molliqaj ka shpifur ndaj tij.

Shpërndaje në rrjete sociale

Lajmet më të lexuara

Të ngjashme

Foto lajm