Lluka thotë se taksa ka ndikuar në zhvillim ekonomik

20:58 | 25 Prill 2019
Arbresh.info

Ministri i Zhvillimit Ekonomik, Valdrin Lluka, ka thënë se vendimi i Qeverisë për taksën ndaj mallrave serbe ka ndikuar në zhvillimin ekonomik, respektivisht në rritjen e kërkesës për produkte vendore.

Lluka ka thënë po ashtu se ka edhe produkte serbe të cilat pa marrë parasysh taksën, kanë gjetur metoda tjera për hyrje në Kosovë.

“Gjithashtu produktet e Serbisë që janë në Kosovë nuk kanë pësuar ndonjë rritje, ndoshta nga vetëdijesimi i njerëzve. Është konfirmuar edhe nga kompanitë në Serbi që kanë gjetur ndonjë rrugë tjetër për të ardhur, shembull i sheqerit që kanë gjetur rrugë tjetër për ambalazhimin”, ka thënë ai teksa ka shtuar se “duke marrë krahasimin e drejtpërdrejtë, Pllazmën me Sempre, atëherë Sempre realisht nuk e ka rritur çmimin, ka qëndruar i njëjti në treg” , ka treguar ai në Rubikon të KTV-së.

Shpërndaje në rrjete sociale

Lajmet më të lexuara

Të ngjashme

Foto lajm