LDK e Vetëvendosje nuk do të jenë pjesë e seancës së nesërme të Kuvendit

19:46 | 12 Shtator 2018
V. S.

Dyzet pika të rendit të ditës do t’i kenë përpara deputetët e Kuvendit ditën e enjte, kur edhe zyrtarisht nis sesioni vjeshtor, raporton KTV.

Por, për dy partitë opozitare LDK-në dhe Vetëvendosjen nuk ka kuptim që Kuvendi t’i kthehet normalitetit, derisa ka gjëra më të rëndësishme që, sipas tyre, duhet të vendosen para se të shqyrtohen ato 40 pika të mbetura nga sesioni pranveror i Kuvendit.

Avdullah Hoti thotë se Kuvendi është marrë peng nga kryetari, i cili nuk e po thërret seancën e jashtëzakonshme të opozitës.

Edhe lëvizja e Albin Kurtit insiston që të vazhdohet me seancën e jashtëzakonshme të opozitës, para asaj seancës së rregullt të paraparë për të enjten.

Por, ndryshe nga LDK-ja e Vetëvendosje, mendjen e ka ndarë PSD-ja, ata do të jenë pjesë e seancës së rregullt të Kuvendit./KTV/

Shpërndaje në rrjete sociale

Lajmet më të lexuara

Të ngjashme

Foto lajm