Lideri i Vetëvendosjes, Albin Kurti, ka thënë se vendi duhet të shkojë në zgjedhje të jashtëzakonshme dhe se qeveria teknike është e dëmshme.
Kryetari i Lëvizjes Vetëvendosje, Albin Kurti, është deklaruar pas vendimit të kryeministrit të Kosovës, Ramush Haradinaj, për të dhënë dorëheqje nga posti i tij, pas marrjes së një ftese për paraqitje në Gjykatën Speciale, në cilësinë e të dyshuarit.
Kurti ka kundërshtuar idenë që vendi të bëhet me qeveri teknike, duke thënë se duhen zgjedhje sa më parë.
“Improvizimet e tilla nuk janë zgjidhje. Por janë problem. Nuk i duam problemet”, ka deklaruar Kurti.
“Ka nevojë për ndryshime shumë të mëdha. Duhet të ecim me zgjedhje të reja parlamentare, për zgjidhje demokratike”, është shprehur ai.
“Me LDK-në, si dy partitë më të mëdha politike në vend, si opozita e këtij vendi, do të vazhdojmë komunikimin dhe koordinimin menjëherë në ditët në vijim”, ka bërë të ditur ai.
“Do të shohim se çka është më së miri. S’mund të flas tash se cilat do të jenë hapat e ardhshëm”, ka thënë Kurti për T7.
“E domosdoshme që sa më parë të ketë zgjedhje të reja, të parakohshme. T’ia kthejmë shpresën popullit, është viktima e vërtetë e kësaj keqqeverisje”, ka deklaruar ai.
Paqartësi rreth Procesit të Berlinit, Kosova kushtëzohet nga...
Rashica gjen golin e parë në edicionin e ri me Besiktasin
Peci bën homazhe tek ish-profesorët e tij që u vranë në ’98-...
Sovraniteti i Urdhrit Bektashi/ Selia Botërore e Bektashinjv...
Roma shënon fitoren e parë në Serie A këtë edicion
Instruktorë të ushtrisë turke realizuan trajnim teorik e pra...