Google ADS

Kurti falënderon ambasadorin gjerman për qëndrimin kundër korrigjimit të kufijve

19:40 | 12 Shtator 2018
V. S.

Kryetari i Lëvizjes Vetëvendosje, Albin Kurti, sot ka takuar ambasadorin gjerman në Kosovë, Christian Heldt.

Ai i ka shprehur falënderime këtij të fundit për qëndrimin e shtetit gjerman,në veçanti të kancelares Angela Merkel, kundër korrigjimit të mundshëm të kufijve mes Kosovës dhe Serbisë.

“Kurti falenderoi Ambasadorin Heldt për qëndrimin parimor dhe të fortë të Kancelares Angela Merkel në mbrojtje të shtetësisë dhe integritetit te Kosovës”, thuhet në komunikatën.

Kurti i ka treguar ambasadorit edhe për kundërshtimin e VV-së ndaj procesit të dialogut që po udhëhiqet nga presidenti i vendit, Hashim Thaçi, duke thënë se shkëmbimi i kufijve i ka inkurajuar pretendimet e Serbisë në Kosovë.

Sipas tij, ky diskurs politik mund të nxisë edhe tensione dhe destabilizim të situatës.

“Ne (VV) e mbajmë përgjegjës Presidentin e Kosovës Hashim Thaçi për dhunën që mund të shfaqet”m thuhet në  komunikatë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm