Nënkryetari i PDK’së, Hajredin Kuçi, ka thënë se Kadri Veseli është njeriu më meritor pse sot njeriu kryesor i Qeverisë është Ramush Haradinaj. Ka thënë se Kryetari i PDK’së me gjithë problemet po e mban gjallë koalicionin qeverisës.
“Ka merita kryesore për mbajtjen gjallë të koalicionit”, ka thënë Kuçi, kur e ka kandiduar Veselin për Shef të ri të PDK’së.
Ai ka thënë se Veseli do të jetë Kryeministër i Republikës së Kosovës.
“Sot tri vite më pas z. Veseli ka dhënë dëshmi të bollshme se ardhja e tij në krye të PDK’së ka qenë zgjidhja më e mirë”, ka thënë Kuçi.
“Mund ta kërkojmë ribesimin për Veselin. Është treguar i denjë për të udhëhequr PDK’në. Ai ka treguar se mund të drejtojë PDK’në me vlerat e mëdha”, ka thënë ai.
“Si Kryetar i Kuvendit ka treguar pjekuri politike. Ka parë edhe kur ka pasë gaz lotsjellës”, ka shtuar ai.
“z. Veseli ka treguar se është njëri i tolerancës, guximit dhe nuk bën kompromis me interesat kombëtare”, ka shtuar ai.
Kadri Veseli ishte shef i Shërbimit Informativ të Kosovës, një organizatë sekrete, e afërt me PDK’në, e cila është thënë se është shuar më 2008. Kishte hyrë në PDK dhe ishte bërë Shef.
Më pas Veseli dhe pjesa më e madhe e ish-agjentëve të SHIK’ut kanë përfunduar në PDK.
Hajredin Kuçi ka thënë se Veseli do të ruajë stabilitetin e PDK’së dhe të Kosovës.
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...