Google ADS

Kossnet: Tregtia e papenguar rajonale sjell investimet amerikane dhe të huaja në Kosovë

14:55 | 5 Mars 2019
V. S.

Ambasadori i Shteteve të Bashkuara në Kosovë, Philip S. Kosnett, tha se ekonomia funksionale e tregut, si dhe tregtia e papenguar rajonale përbën shtegun e Kosovës për tërheqjen e investimeve amerikane dhe investimeve të tjera të huaja.

Gjatë një takimi me udhëheqësit e Odës Ekonomike Amerikane në Kosovë, ambasadori theksoi se “Ambasada është e lumtur të dëgjojë se prioritetet e saj për paqe, drejtësi dhe prosperitet janë edhe prioritete të qytetarëve të Kosovës gjithashtu”.

Në takim, sipas komunikatës, është diskutuar edhe për nevojën e forcimit të sundimit të ligjit, që është një nga faktorët kryesorë për zhvillimin e mirëfilltë ekonomik.

Shtetet e Bashkuara të Amerikës kanë bërë vazhdimisht thirrje për pezullimin e taksës 100% të cilën Qeveria e Kosovës e ka vendosur ndaj mallrave të Serbisë dhe Bosnje e Hercegovinës, duke e konsideruar të dëmshme dhe kundër interesave të bashkëpunimit reciprok të Kosovës me SHBA-në.

Shpërndaje në rrjete sociale

Lajmet më të lexuara

Të ngjashme

Foto lajm