Komuna e Rahovecit ka nënshkruar marrëveshje financimi me Ministrinë e Mjedisit dhe Planifikimit Hapësinor

10:02 | 19 Korrik 2019
A. B.

Gjatë ditës së djeshme Kryetari i Komunës së Rahovecit, Smajl Latifi ka nënshkruar marrëveshje financimi për Komunën e Rahovecit me Fatmir Matoshi, ministër i Ministrisë së Mjedisit dhe Planifikimit Hapësinor.

Sipas kësaj marrëveshjeje, do të financohet projekti i rregullimit të shtratit të lumit nga Hoça e Madhe, Brestoc, Hoçë e Vogël, Nagac e deri në Krushë të Madhe!

Gjatësia e trajtimit të shtratit të lumit është 7,600 metra, ndërsa me këtë projekt synohet të zgjidhet problemi i vërshimeve, trajtimi i ujërave të zeza (kolektori) si dhe rregullimi i mjedisit përgjatë shtratit të lumit.

Veç tjerash, në këtë projekt të cilin e ka hartuar Komuna e Rahovecit, parashihen edhe urat, stazat për ecje si dhe ndriçimi në pjesët e banuara.

Ministria për sivjet i ka ndarë 150,000 € për këtë projekt, ndërsa nga ministri Matoshi kemi marrë zotimin se do të planifikohet buxhet edhe për vitin tjetër me qëllim që ky projekt i rëndësishëm në fushën e mjedisit të përfundohet. /arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm