Mbi 50 mijë euro nga buxheti i shëndetësisë publike do t’i shkojnë në llogari kompanisë që dy vjet më parë dyshohej se kishte prodhuar jashtëligjshëm gazin mjekësor. Dyshimet e hetuesisë ishin që gazi mjekësor, me të cilin kompania “Bubeari Comerc” e pati furnizuar QKUK-në, ishte shkaktar i vdekjes së katër pacientëve në shtatorin e vitit 2017, në QKUK. Pronari i kompanisë, Naser Guri, ishte arrestuar.
Inspektorati Shëndetësor me asistencën e Policisë së Kosovës e pati inspektuar këtë kompani. Raporti i tyre pati konstatuar se kjo kompani ilegalisht ka prodhuar gazin mjekësor, gaz i cili është përdorur në spitalet e Kosovës, shkruan sot “Koha Ditore”.
Atëkohë QKUK-ja pati marrë vendim që t’ia shkëpuste kontratën kësaj kompanie. Përderisa hetimet janë duke vazhduar për këtë rast një institucion publik që funksionon në kuadër të Ministrisë së Shëndetësisë sërish i ka dhënë tender kësaj kompanie, sërish për gaz mjekësor.
Me datën 5 korrik, Instituti Kombëtar i Shëndetit Publik ka publikuar njoftimin për nënshkrim të kontratës me kompaninë “Bubeari Comerc”. Vlera e këtij tenderi sipas njoftimit për kontratë është 52 mijë euro./KOHA
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...
Ekspozimi ndaj dritës blu gjatë natës rrit rrezikun e zhvill...