Këto ditë temperaturat deri në 26 gradë

08:19 | 1 Qershor 2019
Arbresh.info

Vendi ynë do të vazhdojë të përballet edhe për disa ditë me mot të ndryshueshëm.

Kështu ka thënë në një prononcim për arbresh.info, profesori universitar dhe eksperti i meteorologjisë Sylë Tahirsylaj. Ai ka shtuar se dita do të shoqërohet me diell dhe vranësira ku pritet të ketë edhe reshje shiu.

“Vendi ynë do të vazhdojë të jetë nën ndikimin e masave ajrore me shkallë të lartë të lagështisë, si rrjedhojë moti do të jetë i ndryshueshëm me intervale kohore, me diell dhe vranësira të cilat gjatë ditës do të marrin karakter zhvillimi dhe do të përcillen me reshje shiu”, ka thënë Tahirsylaj.

Tahirsylaj tha se temperaturat do të shkojnë deri në 26 gradë këto ditë.

“Temperaturat minimale do të luhaten nga 3 deri në 13 gradë dhe maksimalja do të shkojë nga 25 deri në 26 gradë celsius, kjo gjendje sinoptike do të jetë e qëndrueshme deri me datën 7 qershor javën e ardhshme” u shpreh Tahirsylaj./Arbresh.info/R.Rexhepi

Shpërndaje në rrjete sociale

Lajmet më të lexuara

Të ngjashme

Foto lajm