Ish-luftëtari i Ushtrisë Çlirimtare të Kosovës, Sebahajdin Cena është në mesin e të ftuarve për t’u intervistuar nga prokurorët e Dhomave të Specializuara.
Cena bashkë me avokatin e tij tashmë gjenden në Hagë ku edhe po presin për njoftimin e radhës për t’u intervistuar.
I kontaktuar nga Indeksonline, avokati mbrojtës i Cenës, Mahmut Halimi ka deklaruar se ende nuk është njoftuar saktësisht për orarin e intervistimit të klientit të tij, porse sipas tij pritet të ketë vonesë.
“Ende nuk jam njoftuar saktësisht. Me gjasë do të ketë vonesë por sigurisht se intervistomi do të bëhet rreth orës 13:00. Por pritet që të më njoftojnë edhe një herë”, ka thënë Halimi.
Cena ishte ftuar nga Gjykata Speciale që me datën 14 janar të paraqitet pranë Zyrës së Prokurorit të Specializuar që të intervistohet lidhur me angazhimin e tij në UÇK.
Me marrje të ftesës ai pati deklaruar se beson që në Hagë do të jetë në cilësinë e të akuzuarit dhe jo të dëshmitarit apo të bashkëpunëtorit.
“Besoj se do të jem i akuzuar, pasi që unë luftën e kam nisë në ditët e para të UÇK-së dhe jam shumë krenar për pozicionin dhe për detyrat e përgjegjësitë që kam pas si ushtar i Kosovës. E përsërisë që besojë në pastërtinë e luftës dhe në vlerat e saj”, pati shtuar Cena.
Përpos Cenës sot në Hagë do të intervistohet edhe ish-Komandanti i UÇK-së për zonën e Llapit, Rrustem Mustafa- Remi./Indeksonline/
Shënohet 25-vjetori i bashkëpunimit mes Kosovës dhe Gjermani...
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...