Haradinaj: Kosova qëndron pranë SHBA-së në mbrojtje të vlerave të lirisë, paqës dhe sigurisë

15:38 | 24 Qershor 2019
V. S.

Kryeministri i Kosovës Ramush Haradinaj, ka reaguar me rastin e rrëzimit të një aeroplani të Shteteve të Bashkuara të Amerikës në Gjirin Persik nga ana e Iranit.

Haradinaj me këtë rast në profilin e tij zyrtar në Twitter ka shkruar se i konsideron veprimet e Iranit të gabuara.

I pari i ekzekutivit theksoi se Kosova do të qëndrojë pranë Shteteve të Bashkuara, për të mbrojtur vlerat e lirisë, paqes dhe sigurisë.

“Kosova konsideron se veprimet e Iranit në ngritjen e tensioneve në Gjirin Persik janë të gabuara dhe ne qëndrojmë së bashku me të drejtën e Shteteve të Bashkuara për të mbrojtur vlerat e lirisë, paqes dhe sigurisë, gjithmonë dhe kudo”, ka shkruar Haradinaj.

Shpërndaje në rrjete sociale

Lajmet më të lexuara

Të ngjashme

Foto lajm