Ish-deputeti i Kuvendit të Kosovës nga radhët e Lidhjes Demokratike të Kosovës, Blerim Grainca, ka sulmuar kolegët e tij partiakë, Muharrem Svarça e Adem Salihaj, për përpjekje për manipulim të procesit të zgjedhjeve të brendshme partiake në Komunën e Ferizajt.
Grainca ka thënë në emisionin “DPT Te Fidani”, në televizionin T7, se Svarça e Salihaj kanë ndjekur “rrugë anti-statutare”.
“Kanë ndryshuar 22 delegatë, iu kanë ndërruar degën”, është shprehur ai, duke akuzuar Svarçën e Salihajn se kanë çuar kandidatë në degë e nëndegë ku do të merrnin më shumë vota.
Ai ka sulmuar dy kolegët e tij partiakë për mbajtje të, siç është shprehur ai, një “tubimi gjysmë legal”.
“Tentativa e kryetarit aktual për ta manipuluar procesin nuk u lejua nga qytetarët në Koshare”, është shprehur ai, duke iu referuar tubimit që u karakterizua me rrahje me karrige mes aktivistëve.
Grainca ka thënë se “Svarça me gabimet që ka bërë s’mund të japë më shumë” për partinë në Ferizaj.
Kurti takoi Drejtorin e Përgjithshëm për Zgjerim të Bashkimi...
Arrestohen dy persona të cilët kërkoheshin me nga dy urdhër...
Policia konfirmon se Florim Zeqiri u vra me 6 plumba: Po pun...
Vuçiq: Serbia, e vendosur të forcojë bashkëpunimin me SHBA-n...
Ky është Florim Zeqiri, personi që u qëllua për vdekje sot n...
“U intervistova për zbardhjen e të vërtetës”, De...