Grabitja me armë zjarri në Merdare, arrestohen gjashtë persona

12:46 | 16 Tetor 2018
V. S.

Janë arrestuar gjashtë persona të dyshuar lidhur me rastin e tentim vrasjes dhe grabitjes në Merdare.

Policia ka bërë të ditur se lidhur me rastin që ka ndodhur me datë 12 tetor, janë bastisur disa shtëpi, banesa dhe objekte përcjellëse në lokacione të ndryshme, ku janë arrestuar gjashtë persona, dhe janë konfiskuar 13 automjete të ndryshme.

“Lidhur me rastin me datën 15.10.2018 me urdhër të gjyqtarit të procedurës paraprake janë bastisur disa shtëpi/banesa dhe objekte përcjellëse në disa lokacione, me ç’rast janë arrestuar gjashtë persona të dyshuar si dhe janë konfiskuar 13 (trembëdhjetë) automjete të ndryshme, dy motoçikleta, disa telefona celular, një pistoletë të cilat dyshohet se janë blerë me të holla të përfituara nga veprat penale. Të dyshuarit janë intervistuar dhe me urdhër të prokurorit kujdestar të dyshuarit janë dërguar në mbajtje”, thuhet në njoftimin e Policisë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm