Shtetet e Bashkuara të Amerikës si dhe Gjermania, janë në anë të kundërta kur bëhet fjalë për çështjen e një plani të mundshëm për të ndryshuar kufijtë në mes të Kosovës dhe Serbisë.

Kështu shkruan një artikull i publikuar nga gazeta amerikane The Wall Street Journal, ndërsa shtjellon temën e zgjidhjes së një prek konflikteve të fundit më të mëdha territorial në Europë, njofton Klan Kosova.

Sipas artikullit Berlini është i shqetësuar për “një masë që mund të hapë kutinë e Pandorës e mosmarrëveshjet etnike në disa nga vendet më të varfra në rajon”, dhe zyrtarët gjermanë thonë se ata mbeten thellësisht skeptikë në lidhje me këtë çështje.

Më tej vihet në dukje, në këtë kontekst, deklarata e ministrit të Jashtëm gjerman Heike Mass.

”Ne nuk mendojmë se bisedimet mbi shkëmbimin e territorit midis Kosovës dhe Serbisë janë konstruktive. Ai mund të hapë shumë plagë për njerëzit atje”, tha Mass në Vjenë, ku ai shkoi në bisedime me zyrtarët e BE-së dhe Ballkanit.

Nga ana tjetër, sipas artikullit, këshilltari i Sigurisë Kombëtare të SHBA John Bolton tha javën e shkuar se Uashingtoni nuk është i shqetësuar për këtë ide, pavarësisht nga kundërshtimi i Perëndimit.

Siç vlerëson The Wall Street Journal, një marrëveshje përfundimtare për korrigjimet territoriale mund të gjejë kritika të rëndësishme në terrenin vendor, duke shtuar se kjo ide është kundërshtuar nga klerikët ortodoksë serbë dhe politikanët kryesorë të Kosovës.

Përveç kësaj, zyrtarët në Bosnje dhe Hercegovinë kanë shprehur shqetësimin se kjo mund të nxisë më tej përpjekjet e Republikës Serbe për pavarësi.

Gazeta gjithashtu thotë se disa udhëheqës evropianë janë të shqetësuar se një marrëveshje e mundshme e ndryshimit të kufijve mund të shkaktojë shpërbërjen etnike në Maqedoni, e cila përjetoi dhunë sporadike që përfshiu shqiptarët.

”Washingtoni dhe Berlini përgjithësisht ranë dakord për rajonin që kur presidenti Bill Clinton kryesoi bisedimet e paqes të Daytonit në 1995, të cilat çuan paqe në arenën kryesore të luftërave jugosllave – Bosnjë dhe Hercegovinë, por nën Donald Trump, SHBA-ja ka treguar interes në rishqyrtimin e politikës së saj në lidhje me këtë rajon”, shkruan “WSJ”.

Gazeta e Nju Jorkut konkludon se shkëmbimi territorial në Evropën Juglindore, të cilin e mbështet SHBA, është një nga çështjet në të cilat Berlini dhe Uashingtoni nuk pajtohen.

Ndërkohë, edhe “EU Observer” me qendër në Bruksel shkruan se institucionet e BE-së kanë shprehur shpresën për një ndryshim të ri të rëndësishëm në zgjerimin e BE-së në Ballkanin Perëndimor, pavarësisht “nervozizmit” mbi idenë e shkëmbimit të territoreve për arsye etnike.

“EU Observer” paralajmëron për rrezikun që një marrëveshje e tillë mund të inkurajojë shqiptarët në Maqedoni, si dhe kroatët dhe serbët në Bosnjë e Hercegovinë që të përpiqen të rivendosin kufijtë më pak se 20 vjet pas përfundimit të luftërave në Ballkanin Perëndimor, njofton Klan Kosova.