Serbët në veri të vendit kanë festuar pas mos anëtarësimit të Kosovës në INTERPOL, raporton arbresh.info.
Me flamuj, e sirena nëpër rrugët e Mitrovicës së Veriut, shumë serbë kanë mësyrë atë pjesë.
Republika e Kosovës nuk ka arritur të sigurojë dy të tretat e votave të shteteve të pranishme në Asamblenë e Përgjithshme të Interpolit që po mbanë punimet në Dubai, Emiratet e Bashkuara Arabe.
Në raundin e dytë të votimit, Kosova ka marrë 68 vota pro, 51 kundër dhe 15 vende abstenuan në këtë votim, raporton arbresh.info.
Zhgënjim të thellë për mos pranimin e Kosovës kanë shprehur edhe shtetet mike të Kosovës, si Shtetet e Bashkuara të Amerikës dhe Britania e Madhe.
Presidenti i Kosovës, Hashim Thaçi është shprehur i zhgënjyer pasi që Kosova dështoi të bëhet anëtare e INTERPOL-it, duke vlerësuar si humbëse edhe Serbinë.
“Serbia e ka forcuar pozicionin e saj, në njërën anë. Dhe nga ana tjetër, nuk duhet të jetë euforike,” tha gjatë ditës edhe presidenti i Serbisë Aleksandar Vuçiq.
Zëvendëskryeministri, Behgjet Pacolli, njëherit edhe Ministër i Jashtëm tha se Serbia ka bërë një luftë të pa mëshirshme me të gjitha mjetet në dispozicion kundër Kosovës.
E shefi i Policisë së Kosovës, Rashit Qalaj, tha se vendimi i sotëm ka qenë politik, dhe se qysh vitin e ardhshëm do të tentojmë të jemi prap pjesë e kësaj organizate dhe të kontribuojmë në sigurinë e përgjithshme.
Asambleja e Përgjithshme e INTERPOL-it votoi “pro” anëtarësimit të Kosovës, Kiribatit dhe Vanuatus./arbresh.info/
51 të vdekur nga shpërthimi në minierën e qymyrit në Iran
Haradinaj: Fehmi dhe Xhevë Lladrovci janë shembul i idealit ...
Dueli i rëndësishëm në Ligën e Kombeve, dalin në shitje bile...
Zbulohet data/ Ja kur është dasma e Dafinës dhe Kreshnikut
Sot në ora 14:43 fillon sitna e vjeshtës, IHMK njofton për p...
Të shtëna masive në Alabama, të paktën katër të vdekur dhe s...