Se ish-kryeministri i Kosovës dhe kryetari i LDK-së, Isa Mustafa ka aplikuar për statusin e veteranit të UÇK-së, ka dëgjuar edhe njëri nga anëtarët e Komisionit për verifikimin e listave të veteranëve, Shkumbin Demaliaj.

Megjithatë ai thotë se nuk e di me saktësi nëse Isa Mustafa, që ka qenë ministër i Financave në Qeverinë në ekzil të drejtuar nga Bujar Bukoshi.

Demaliaj ka thënë për lajmi.net se ai ka qenë përgjegjës për Zonën e Dukagjinit dhe nëse Mustafa ka aplikuar atë e ka bërë përmes ish-ministrisë së Mbrojtjes, por se listën se kush ka aplikuar nga kjo ish-ministri nuk e ka parë.

“Kam qenë përgjegjës për pjesën Dukagjinit dhe nëse ai ka aplikuar ka qenë përmes ish- ministrisë së Mbrojtjes, dhe unë atë listë nuk e kamë parë, sepse kemi pasur detyrat e ndara. Unë jam kanë përgjegjës vetëm për Zonën e Dukagjint. Është folur, por unë nuk jam i sigurt nëse ai ka aplikuar”, ka thënë Demaliaj, për lajmi.net.

Përgjegjës për pjesëtarët e UÇK-së të brigadës 188 ‘Agim Ramadani’, të njohur si FARK-u, ka qenë Rrustem Berisha, tash ministër i FSK-së. Lajmi.net ka tentuar të kontaktojë edhe me të, për të marrë informacion nëse Isa Mustafa ka aplikuar për statusin e veteranit dhe e ka marrë atë, por që nuk ka mundur të flasë më të. Sikurse edhe më Anton Qunin, ish-pjesëtarë i brigadës ‘Agim Ramadani’, tash deputetë i LDK-së.

Ndryshe gjatë ditës ka qenë Nasim Haradinaj, njëri nga udhëheqësit e OVL-UÇK-së, që ka thënë se edhe Isa Mustafa ka aplikuar për statusin e veteranit.

Madje, ai ka thënë se gjatë një takimi me ish-kryeministrin Mustafa, ia ka përmendur Mustafës që është veteran, që sipas Haradinaj, ish-kryeministri kishte heshtur.

Debati për fyerjen e listave të veteranëve të UÇK-së, është riaktualizuar pas dorëheqjes së ish-prokurorit Elez Blakaj, cili ishte duke hetuar rastin e listës së veteranëve.

Blakaj kishte thënë se ishte kërcënuar nga disa individë lidhur më lëndën që ai e kishte.