Dorëzohet peticioni për shfuqizimin e Ligjit për Lojërat e Fatit

08:54 | 26 Mars 2019
V. S.

Sot degët e partive politike të Suharekës do ta dorëzojnë peticionin e nënshkruar nga qytetarët e kësaj komune për shfuqizimin e Ligjit për Lojërat e Fatit.

Në ora 09:30 do të ketë takim në Kuvend mes Komunës së Suharekës dhe kryeparlamentarit  Kadri Veseli, ka njoftuar Zyra për Informim.

Ky peticion u iniciua nga kryetari Muharremaj, ndërsa erdhi pas kërkesave të qytetarëve Suharekës, pas vrasjes së të riut nga kjo komunë Jetmir Aliaj në vendin e tij të punës, në kazino.

Ai u përkrah edhe nga komuna tjera si Lipjani, Rahoveci, Vushtrria e Gjakova.

Sipas kryetarit Muharremaj, peticioni u nënshkrua nga mbi 11 mijë qytetarë.

Shpërndaje në rrjete sociale

Lajmet më të lexuara

Të ngjashme

Foto lajm